語命Cafe (已結業)

放工諗住見下朋友，就約左去旺角既樓上cafe食個晚餐。朋友介紹依間語命cafe係地鐵站出去，過條馬路就到，非常方便！入到去都差唔多full, 好彩朋友有book位！晚餐主菜選擇唔算太多，但原來可以揀茶餐嘅食物，所以我哋叫咗一個意粉＋1個小食。主菜係香蒜虎蝦炒意粉，佢新鮮熱辣而且有好香嘅蒜蓉味，我朋友好中意佢啲蝦已經去左殼唔使自己剝 ！而小食我哋揀咗最豐富嘅小食拼盤，可惜嗰日炸蝦賣晒，但個Staff好好人，話其他款式嘅小食都整多啲俾我哋！好欣賞佢個雞翼，炸完入面仲keep到好多汁！配合埋炸蠔同薯條，我哋食唔停口！飲品方面，佢有好多款選擇！我哋諗左好耐，最後加少少錢，叫左特濃朱古力同蜜桃紅茶！蜜桃紅茶好香蜜桃味，唔會太甜！呢度嘅Staff態度好，食物同環境唔錯，但我覺得出菜可以快一點。