富臨(粵之味) (已結業)

約左人黎上環整啲野，未夠鐘就諗住去茶樓坐下，上環原來茶樓唔多，見到有間叫粵之味就試下啦，上到去原來係富臨黎，哈哈，是但啦…燒鴨瀬，賣相真係扣哂分，雖然朋友鍾意食肥，但可以排好少少嘛…炸兩正正常常蘿蔔絲酥有驚喜喎，上枱仲熱，鬆脆蘿蔔絲鹹鹹地，幾好味。乳鴿好平勁抵食，見隔離枱叫左一盤偷偷包走，哈哈。蝦餃幾爽口，唔錯。炸雲吞香脆，小朋友至愛。茄子又係超平，仲平過街邊煎讓三寶，味道正常啦，炸野無乜特別。生煎包…基本上無餡，哈哈，啲餡少到無味。鮑汁鳳爪入味軟腍，同伙計要求多花生佢又肯比喎，正。炸蛋散幾鬆脆，如果多糖更好。燒排骨幾香玫瑰露味，甜甜地幾好味吖。點心要求唔高其實都算幾好味，但啲伙計態度認真麻麻，唔想受氣就全部自助會輕鬆啲。