灑家粥麵 (已結業)

納悶的星期五，Whatsapp找朋友吃餐飯，最終三人去了灑家。點了幾款，有小菜有點心，亦有湯水。先講湯，係冬瓜粒陳腎湯，湯料不少，但唯一想講，就是咸。點心，有牛肉腸，腸粉算不上很滑，但味道都正常。黃金煎蝦餃，必須要明察秋毫，才能看見底部原來是煎過，否則的話，只會以為它是普通的蒸蝦餃。最好的，應該就是酸薑皮蛋蝦筒，雖然皮蛋和子薑都不是靚貨，至少做得碟脆，蝦肉爽身，可以合格了。小菜有菠蘿咕嚕肉，酸甜平衡唔錯，有點喜出望外。金沙牛柳粒就唔多掂，雖然不韌，卻又係好咸。最後來碟菜，老友想吃四季豆，只是，煸得唔夠乾身啦！