組長日式放題 (已結業)

呢間野一定要blacklist, 垃圾放題一間。食物質素低劣不在話，服務態度就更不堪。首先，啲魚生好唔新鮮，壽司飯鬆散一pat pat，醋飯味又怪，加埋啲魚生食，omg有種霉霉地既感覺；其他熱食好一般，冇驚喜；食物選擇少，其他日式放題出名好食既野食佢地都冇。食物差都算，重點係貴店既服務態度令人反感。女朋友一開始落單落多左，點知大部份都唔好食，佢食剩啲野叫個侍應收左佢，之後就有個TB侍應衝過黎，鬧我地唔可以徙野，話張落單紙寫明食剩野要罰錢，頭先已經收過一碟，唔會再幫我地收。佢用好臭寸既態度，搞到我女朋友成晚都食得唔開心。其實佢可以態度好啲甘提點客人，我地大鄉里唔知行規以為唔好食咪唔食囉，張紙有寫但甘細隻字邊個會留意，佢可以過黎有禮貌地講，唔係寸寸貢大大聲聲係大庭廣眾度落人面。$219 一位，食物難食，侍應服務差，我食過不下十間日式放題，一直都感覺良好，呢間組長日式放題～絕對永遠唔會有下次。