土司工坊 (青衣城1)

營業中

休息中

今日係接大女放學之前有少少肚餓，就去左土司工坊食個下午茶鬆下，叫左個招牌咖椰多士套餐，餐入面包一份多士，2隻半熟蛋，加杯野飲。先講杯咖啡，真係幾好味，因為佢落練奶嘅所以唔洗再落糖，但好滑又唔會太甜，都幾香咖啡味，又唔會有陣苦澀味。半熟蛋加埋d甜豉沖真係一流！蛋夠香，用匙'不'黎食，真係食到唔停口，但膽固醇真係....哈哈好味冇計啦。個咖椰多真係好正，厚厚嘅冰凍牛油加埋好香椰子味又甜嘅咖椰真係正，個多士係立即烘嘅，脆卜卜，真係食幾多都唔夠。但好可惜佢比起我幾個月前食細份左，變相加價了。成個套餐35蚊當下午茶食又ok嘅。