影片
更多
2020-10-03
617 瀏覽
朋友介紹所以晏晝就過咗嚟呢間食，舖頭唔算大，午膳時間都好full，如果多人呢好似有得book位嘅。佢除咗指定Menu之外仲有午餐嘅Menu，午餐來講算係好平40幾蚊就有，然後仲可以飲咖啡。我好鍾意佢杯咖啡除咗佢個樣夠靚，味道都好出色，好香同好重咖啡味！今次叫咗個忌廉雞扒意粉，我鍾意佢個意粉質地唔會太淋，亦都唔會太硬，喜歡佢個意粉啲汁啱啱好，太多汁就會好得人驚，太少又會太乾！但係好可惜嘅一樣野係，個雞扒真係食得岀有雪藏味😢，可能佢哋真係要花多啲功夫處理下，因為都真係幾失望。好彩嘅係，我哋另外嗌咗佢哋嘅甜品，個甜品真係好正㗎！最最最好食嘅係個朱古力慕絲，朱古力味濃郁之餘，入口又好滑，仲加咗一啲紅莓，令到食朱古力唔會好流，中和返個朱古力食多幾啖會覺得膩嘅感覺。口感同層次都好豐富！芝士蛋糕好食，雖然表現最普通，但都好有濃郁嘅芝士味。拿破崙都唔錯，佢個吉士整得幾香！希望下一次佢個雞扒整好食啲啦!
佢除咗指定Menu之外仲有午餐嘅Menu，午餐來講算係好平40幾蚊就有，然後仲可以飲咖啡。
我好鍾意佢杯咖啡除咗佢個樣夠靚，味道都好出色，好香同好重咖啡味！
今次叫咗個忌廉雞扒意粉，我鍾意佢個意粉質地唔會太淋，亦都唔會太硬，喜歡佢個意粉啲汁啱啱好，太多汁就會好得人驚，太少又會太乾！但係好可惜嘅一樣野係，個雞扒真係食得岀有雪藏味😢，可能佢哋真係要花多啲功夫處理下，因為都真係幾失望。
好彩嘅係，我哋另外嗌咗佢哋嘅甜品，個甜品真係好正㗎！
最最最好食嘅係個朱古力慕絲，朱古力味濃郁之餘，入口又好滑，仲加咗一啲紅莓，令到食朱古力唔會好流，中和返個朱古力食多幾啖會覺得膩嘅感覺。口感同層次都好豐富！
芝士蛋糕好食，雖然表現最普通，但都好有濃郁嘅芝士味。
拿破崙都唔錯，佢個吉士整得幾香！
希望下一次佢個雞扒整好食啲啦!
張貼
