細味館 (已結業)

尋晚星期日一家大細到細味館叫咗個雞煲，多麻少辣口味，雞隻係選用玉米雞即係食玉米的雞，肉質爽口鮮味，麻辣花椒八角香葉燉煮，極之地道可口，辛麻咸甜剛剛好。用電子煲上桌，煲身夠高唔會滾瀉。再加配菜䈑筍、薯粉、肥牛、白蘿蔔，食到飽飽滿足。小朋友唔食得辣，想食意粉。店主就煮咗個肉醬意粉比小朋友食，中西合璧店主都煮得一手好菜。肉醬意粉個餐牌無架，想食咩就同店主講啦！店主愛好鑽研廚藝，下次試埋個招牌燘豬手，有得揀辣同唔辣。