Opa Mediterranean Bar and Bistro (已結業)

嚟到尖東hart道，附近一帶都係食肆同酒吧。不過落住雨嘅午後就明顯唔算多人，連餐廳都份外有啲冷清。同樣，天然亦好影響進食心情，胃口一般般但又肚醫嚟講，就揀咗主打歐陸菜嘅OPA，淺嚐starters。Turkish Hummus 個人好鍾意食鹰嘴豆泥，酸中帶豆香。而且一般調味得宜都唔會話唔好味，餐廳呢個土耳其鹰嘴豆泥一如想像係酸甜開胃，加埋少少蕃石榴提升酸度層次，唔錯！Samlon Carpacio薄片三文魚一樣都係開胃嘅冷盤，入口簿薄薄哋唔會太heavy同膩口，調味都係以原味道為主，加少少herb提升風味。Garlic Cream Butter呢個有少少令我驚訝，因為係麵粉炸過，同以往嘅原隻大蝦加蒜頭/片炒香嘅唔同。係另一樣比j較creamy嘅味道，不過可能當日我胃口一般，覺得個汁就有啲膩。整體環境開揚坐得舒適，播住輕快嘅音樂，唔計外邊落住大雨，其實都幾有異國風情㗎！