影片
更多
2018-09-30
40 瀏覽
和老公來銅鑼灣看電影，由於時間尚早，所以決定先去附找個地方吃點東西才入場。老公想食拉麵，問我可有甚麼心水推介。記得之前 bookmark 咗登龍街一間米芝蓮星級拉麵店，還說下次嚟開銅鑼灣，一定要搵個機會過嚟朝聖，反正麵店離戲院不遠，一於趁空檔過去碰下運氣。聽說這間取名「蔦」嘅拉麵店，在日本甚有江湖地位，不但擁有米芝蓮一星名號，而且還有東京最佳拉麵嘅稱號，成績十分驕人。而銅鑼灣店則是繼新加坡、台灣後嘅第三間亞洲分店。店子地方不大，裝潢用上日式簡潔風，設計以廚房為中心，店內設有 21 個吧檯座位，食客可以近距離感受廚師由湯底、製麵，以至烹調嘅用心，挺有意思。入座後先拿起店員送上的餐牌細閱，拉麵嘅口味，貴精不貴多，基本來說，只有幾個大類，分別為醬油、鹽味、味噌同照燒雞，另外亦有幾款小食、丼物同飲品等。由於睇完戲後仲約咗朋友食宵夜，所以決定只揀一碗麵，再加兩個小食大家 Share。選了最 Basic 嘅醬油味玉叉燒拉麵 ($169/大)，再加叉燒一片 ($12)。成品上桌後，先舀起一匙湯底細看，湯色金黃，清澈見底，入口帶濃郁醇厚嘅海鮮甜味，完全沒有油膩感，反而滲出淡淡嘅松露香。麵條混合了多種優
聽說這間取名「蔦」嘅拉麵店，在日本甚有江湖地位，不但擁有米芝蓮一星名號，而且還有東京最佳拉麵嘅稱號，成績十分驕人。而銅鑼灣店則是繼新加坡、台灣後嘅第三間亞洲分店。
店子地方不大，裝潢用上日式簡潔風，設計以廚房為中心，店內設有 21 個吧檯座位，食客可以近距離感受廚師由湯底、製麵，以至烹調嘅用心，挺有意思。
入座後先拿起店員送上的餐牌細閱，拉麵嘅口味，貴精不貴多，基本來說，只有幾個大類，分別為醬油、鹽味、味噌同照燒雞，另外亦有幾款小食、丼物同飲品等。由於睇完戲後仲約咗朋友食宵夜，所以決定只揀一碗麵，再加兩個小食大家 Share。
選了最 Basic 嘅醬油味玉叉燒拉麵 ($169/大)，再加叉燒一片 ($12)。成品上桌後，先舀起一匙湯底細看，湯色金黃，清澈見底，入口帶濃郁醇厚嘅海鮮甜味，完全沒有油膩感，反而滲出淡淡嘅松露香。麵條混合了多種優質麵粉及蕎麥粉於店內當天手工新鮮現製，入口煙韌彈牙，食落帶蕎麥香，加上麵條嘅掛湯力不弱，索盡了湯汁同松露嘅香氣，令人吃得舒暢。
至於配料方面就有叉燒、味玉蛋、筍乾、日本大蔥同松露醬。叉燒比較薄身，用豬肩肉加香草及燒烤醬油製成，入口柔軟帶油脂，肉質唔算粗糙，亦不痴牙。溫泉蛋亦非常之有水準，不但蛋白嫩滑，而且蛋黃味濃，入味爆汁，絕對是驚喜之作。
日式煎餃子 ($45)，餃子一碟有 5 隻，外皮又薄又香脆，餡料同傳統嘅日式煎餃好唔同，原來除了豬肉外，還加入咗豆腐同紫蘇葉炮製。一口咬下，肉汁充滿口腔，味道清怡可口，蘸點秘製醬汁，惹味好吃。
日式炸雞塊 ($45)，雞塊同樣係一客 5 件，外層的炸粉看起來比較厚，但估唔到食落味道亦不俗；表面脆卜卜，內裡肉質仍然保持幼嫩，既 Juicy 又多汁，挺啱我胃口。下次順路，會再嚟試埋其他口味嘅拉麵。
張貼
