阿鴻小吃 (已結業)

阿鴻小吃一直都好想試，每次返工放工都會經過北角那間店，小小的店鋪總是排滿人龍，究竟有幾好食？前日去機場，見到有阿鴻小吃，而且又毋須排隊，當然要滿足一下好奇心啦。點了幾道招牌小菜，有招牌撈麵、鹵水鵝、麻香雞腳筋等。坦白講味道真係唔錯，特別係招牌撈麵爽口彈牙，而鹵水鵝就咁食就好一般，加點醋就帶出鵝既鮮味，不過那個豬頸肉併切雞就麻麻地，尤其是切雞好「鞋」，而麻香雞腳筋加海蜇其咖哩味道調較得恰到好處，可惜海蜇就「鞋烚烚」又粗，扣左成碟菜既分數。總結來講，以 2010 米芝蓮 1 星級食肆標準，都尚可以一試，不過如果要我好似北角店咁，要排1個鐘至食到，我就唔會咁做。係網上搵到資料，阿鴻小吃其實大有來頭，大廚鴻哥鏞記出身，專賣滷水及麵食等小食，現不開午市以備更多食物，傍晚才開舖。招牌味食：招牌撈麵、南乳粗齋、鹵水鵝、麻香雞腳筋、蔡瀾撈麵。