春水堂 (東港城) (已結業)

星期六未夠12點，無人龍只一人在填表，我地4人量好體溫及掃安心出行直入餐廳因已有食客在用餐。突然有位女店員叫番我地去排隊，後面剛好有幾個人都想入去。店員又叫我地量體溫，話先排隊一個一個吾洗心急。餐廳有好多吉檯吾明為何要排隊，後面的人同我地一樣無理佢入晒去，結果咪又係坐低左。價錢吾平，$98一碗牛根腩麵，便當豬扒及排骨好似一樣$82, 另叫一個小滷肉飯。牛麵係最出色的，湯頭夠濃鮮，料亦吾少，麵彈牙。豬扒及排骨同時到，但一大塊的先係排骨 （只肉無骨），而斬開一舊舊的係豬扒 （吾清楚有無骨因我無食，但係好細舊）。起初以為聽錯但店員重復話係咁。結果同家人對調黎食。即我食一大塊的排骨，吾太厚又吾夠味要點他他醬，好麻麻，而斬開一舊舊的豬排亦然，便當有配菜，一般無特別。小滷肉飯無死鹹及太甜，吾錯。中間叫服務員，有個男的經過張檯但無望我地but"第"左一下隻手，以為佢會過黎但係原來我地林多左，佢自顧自反入 bar台無再出現。 只有另一位男服務員好快留意到我地叫人而立即幫忙的。無留意餐廳環境因為一坐低已知道吾會再幫襯。我公司樓下間台灣外買小店好食得多亦較平，價錢係其次，好食與否最重要。