德成號

營業中

休息中

近排多咗好多人食評蛋捲e個零食，其中徳成號係久仰大名嘅老字號，網上好多人話要好早嚟排隊，早上一轉，買哂就無，仲話會派籌，有籌先可以買等等，今日剛好返夜班，所以一大早就走過嚟排隊。仲以為5.1週會有好多同胞同我哋搶，好彩唔算太多人，比想像中條龍係可接受程度。其實所謂一大早，我都只係9am前嚟到排隊，9:30am開門後，分批入去買，𥚃面好有秩序，一邊收錢，一邊取貨，由排隊至我完成購物，大概用了45分鐘時間，不算等太耐。偷聽到前面經常買的街坊話，原來每人每日只可以排一次，收錢個位係會認得你個樣，你唔會可以買完後又返去龍尾再買。溫馨提示有心人，現在徳成號只會逢星期四、五、六開賣，其他日子休息。