点心代表 (已結業)

已經一輪冇黎過点心代表，但今次出「百變小櫻」點心，真係大排長龍都要黎食😍😍😍 認真，首主題曲我到而家都仲識唱，啲角色我都係瞭如指掌，所以見到個餐牌同decorations真係好開心，啲童年回憶番哂黎🤤🤤必叫嘅係「基路仔流沙包」，因為真係成隻基路仔個頭咁上，造型超得意😍 一切開啲奶皇就流哂出黎，正！蝦餃都幾好食，蝦好大隻，皮算幾薄，又整到五顏六色咁，好有心思。另外春卷同蝦多士都好惹味，但份量都幾大😂 條春卷太長，我食左半條就算😂😂可惜今日黎已經賣哂西瓜特飲，我見其他人叫係原個西瓜咁上，好似好refreshing 咁🤣 不過臨走前佢送左把小櫻嘅扇比我，心情即刻好番哂😙