蔡瀾越南粉 (已結業)

開業這麼久，雖然差唔多日日都經過，但食飯時間門口鐵打的人龍一直令我卻步。今日好彩，雖是午市時間，第一輪客人已經差唔多食完，第二輪客人也許未到，唔駛等位就有的直入坐低。大約一點半離開的時候，門口又打晒蛇餅。店內採用客人自己畫order紙落單的形式，口味及種類一目了然。自選雙拼金錢腱牛腩越南粉$68：落單後唔夠兩分鐘便來到，非常有效率。湯底非常清澈，入口清甜，完全沒有人工香精味道。飲晒大半碗湯，下晝都冇口渴的感覺，在坊间难能可贵。檬粉口感劲道，火候刚好，完全不会又粉又碎。两款牛肉不过不失，配菜分量相宜。是一碗绝对不会出错的pho。