Ruby Tuesday (已結業)

今日同事話贏左錢，萬歲請食飯喎，梗係唔同佢客氣，揀間貴野黎食，我提議去哩間，平時我都唔太捨得食，一行三人去開飯lu。頭盤蜜汁燒豬肋骨，肉好腍，醬汁甜甜地好正，太多支骨，每人起碼食4支以上，好好味。簿餅好香口，點醬汁一齊食好味，可惜冇咖喱汁，如果唔係更加惹味。小食拼盤，起初見到都幾吸引，但食落冇乜特別，而且食物炸得唔熱，最普通係哩個。大蝦墨汁意粉，哩個真係最好味，墨汁配意粉係最夾，分三人食每人得好少，其實我仲想食多d。