一芳台灣水果茶 (已結業)

星期六晚上，終於等到一芬無咁多人排隊可以去試吓。排隊時前面大概有6,7人，大概等咗5分鐘。排到時就決定試吓杯大杯裝的凍黑糖粉圓鮮奶茶。應該係黑糖嘅關係，所以無得加減糖同冰嘅份量。俾完錢又等咗大概十五分鐘，終於都攞得到杯奶茶。一摸杯底，黑糖係暖的。店員吩咐要搖匀先好飲，所以影完相，拿拿聲搖好就飲了。雖然無加減糖，但我又覺得無想像中咁甜，我又覺得剛剛好嘅甜度喎。而珍珠係用細珍珠，但有濃濃嘅焦糖味道，同店鋪的介紹一樣，珍珠有用焦糖煮過。就算要等得比較耐，我都會為咗個焦糖味嘅珍珠再去光顧的！