影片
更多
2017-08-24
380 瀏覽
又到咗每個月一度嘅紀念飯，由於行開嚟觀塘，行咗成個apm後就揀咗apm隔離嘅呢間放題火鍋店，貪佢夠近嘛~ 好彩我無預約都唔使等位，但入到去就真係全場爆滿了~ 這裡的格局實在像極釣魚翁，坐下才知道原來是同一集團來的! 這下我就知道質素應該有保證了! 平時去釣魚翁都起碼要4百蚊落樓，今次$268再收埋加一都係3百蚊有找，仲要有海鮮拼盤、魚生拼盤、鮑魚，完全係好吸引到我去食啊~ 唯一挑剔的是飲品選擇不多。放題前還有小吃~ 但啱唔啱口胃還是見人見志~ 第一樣嚟到嘅係冬菇扣蠔油鮑魚，雖然細細隻，但一樣入口煙韌，而且鮑魚好入味，冬菇夠厚肉，呢個前菜真係令人越食越肚餓。呢個就係宣傳單張所講嘅每人一粒至尊水餃皇，點解叫至尊呢? 因為咬開後，有4粒~5粒嘅蝦肉係入面，足料到癲~ 其實我想食雞煲，但係少爺話識食一定係食鴛鴦，雖然我唔知係乜理論，但姑且一試。的確，這裡的鴛鴦鍋，兩個湯底都十分足料，皮蛋芫茜係食哂成餐都仲撈到，沙嗲湯鍋並唔係用粉開，真係有料係入面，侍應生仲叮囑我地要較細啲個火，因為沙嗲比較易燶。話說我們原不知道這裡極級牛頸脊都送，還多叫了一碟，好彩侍應生勁好提一提我地，仲幫我地取消返多叫咗嗰碟
這裡的格局實在像極釣魚翁，坐下才知道原來是同一集團來的! 這下我就知道質素應該有保證了! 平時去釣魚翁都起碼要4百蚊落樓，今次$268再收埋加一都係3百蚊有找，仲要有海鮮拼盤、魚生拼盤、鮑魚，完全係好吸引到我去食啊~
唯一挑剔的是飲品選擇不多。
放題前還有小吃~ 但啱唔啱口胃還是見人見志~
第一樣嚟到嘅係冬菇扣蠔油鮑魚，雖然細細隻，但一樣入口煙韌，而且鮑魚好入味，冬菇夠厚肉，呢個前菜真係令人越食越肚餓。
呢個就係宣傳單張所講嘅每人一粒至尊水餃皇，點解叫至尊呢?
因為咬開後，有4粒~5粒嘅蝦肉係入面，足料到癲~
其實我想食雞煲，但係少爺話識食一定係食鴛鴦，雖然我唔知係乜理論，但姑且一試。的確，這裡的鴛鴦鍋，兩個湯底都十分足料，皮蛋芫茜係食哂成餐都仲撈到，沙嗲湯鍋並唔係用粉開，真係有料係入面，侍應生仲叮囑我地要較細啲個火，因為沙嗲比較易燶。
話說我們原不知道這裡極級牛頸脊都送，還多叫了一碟，好彩侍應生勁好提一提我地，仲幫我地取消返多叫咗嗰碟，單講賣相真係排得唔錯，而且油脂均勻
講返味道，未算入口即溶，但係的確係肉味濃厚，而且一啲雪藏味都無，入口滿有油香，又有肉味，我用咗嚟送烏冬，真係絕配呢~
我地當然少不了叫咗其他任食配料，一般都係用個黑碟求求其其咁俾一jar我地，點知嚟到個賣相咁靚，我地真係一時三刻都呆一呆，由於我地得兩個人，其實咁嘅份量真係夠，我唔想負起浪費食物嘅罪名呢~ 
值得一提嘅係午餐肉，我淥咗半個鐘，係一啲溶嘅跡象都無，仲係好堅韌，令我覺得佢地食物嘅質料真係唔錯! 
多數放題火鍋嘅烏冬都係用一包包即食烏冬，呢度竟然用上稻亭，入口煙煙韌韌﹐而且份量仲算幾多，應該係想快啲塞飽我地~ 哈哈
我特別欣賞呢度嘅墨魚丸，賣相同質料完全與同一集團嘅釣魚翁無異，入口彈牙。
其實之前都知道觀塘區啲火鍋有苦戰，不過我地呢班漁人，係咁抵嘅情況下，真係漁人得利，呢間真係我食過放題火鍋入面最好嘅，下次我都會再嚟啊!
張貼
