巴剎雞飯 (已結業)

今日去左西營盤逛逛睇下有D咩野特別野好食，係高街既酒吧附近，見到一間叫「巴剎雞飯」既餐廳入到店舖，就發覺擺設似大排檔，所以就上網搵搵，原來巴剎係指馬來西亞，新加坡和汶萊地區既市場／市集咁解，所以D食物都比較地道，當然店舖就乾淨企理好多坐好左就望一望個餐牌，雖然餐牌上有幾樣菜式都想試一試，不過無奈個肚仔食唔到太多野；所以首選梗係巴剎雞，雖然外表同新加坡既海南雞飯差不多，不過醬料係有青檸既甜酸醬，甜甜酸酸十分開胃，最重要係成碟巴剎雞既肉係無紅色既血絲，值得一讚同加分；豬手飯既滷水汁亦都好出色，唔會太鹹，味道岩岩；然後就係打根皮蛋餃，本身自己唔太鍾意皮蛋太大陣味，不過呢碗皮蛋餃就無個陣腥味，反而保留左皮蛋既香味，配埋豬肉饀料，味道一流；之後仲有炭燒沙嗲串，分別有豬牛雞三種，上菜既時候仲配埋個小型炭燒爐，味道亦都唔錯；最後就係南乳脆雞翼，外皮鬆脆可口，只係略嫌南乳味唔夠；而野飲方面就叫左丹南咖啡同冬瓜茶。整體黎講食物都好好食，而且座位亦十分闊落，值得再次光臨。