泓一拉麵

營業中

休息中

Item: 泓一拉麵
Rating: 4
Author: Belle.

Wonyi Ramen

69 食評

味道

環境

服務

衛生

抵食

3325

太子

$51-100

日本菜拉麵

Belle.

等級4

308

睇咗勁多人介紹上次去紅磡已經想試但見太多人排隊最後冇食到🤣今次終於的起心肝去佢另一間分店排🤓等咗差唔多半粒鐘先入到好彩史努比冇放棄咋!🤣如果唔系點試到比大家睇lol.拉麵主要分4個items湯底麵質叉燒同埋溏心蛋~分個類先🤣麵質會喺豚X雞白湯詳講而叉燒同溏心蛋就會喺地雞鹽味湯度講!😋👍🏿豚X雞白湯拉麵 $105一早聽聞泓一嘅雞白湯好出名所以去到第一時間揀咗先🤣湯底果然非常濃稠店家聲稱採用W湯頭嘅做法即系以雞同豚骨再混合昆布魚干鰹魚等材料熬製而成味道比起一般雞白湯更豐富同時帶出豚骨同地雞嘅香味個人覺得雞味稍為出少少但亦不失豚骨嘅脂香唔知有冇錯🤣就咁飲湯嘅話帶淡淡嘅酒香就好似系拉麵湯嘅稀稠程度配上濃厚沾麵湯咁好rich! 而又唔會過鹹👍🏿店家聲稱採用獨特配方做出 “多加水熟成麵”簡單嚟講就系含水量比較高嘅麵條切割度同麵質配合得好好麵條柔軟得嚟有彈性!🤪而呢碗拉麵採用比較幼身嘅全麥麵條話有麥香又未至於誇張咗但掛湯能力非常之高~令成碗拉麵味道濃稠而又唔會話太鹹太greasyOverall湯底嘅濃郁程度同麵條嘅掛湯能力系match嘅不過我哋都一致覺得佢未有驚喜只

睇咗勁多人介紹上次去紅磡已經想試
但見太多人排隊最後冇食到🤣
今次終於的起心肝去佢另一間分店排🤓
等咗差唔多半粒鐘先入到
好彩史努比冇放棄咋!🤣如果唔系點試到比大家睇lol
.
拉麵主要分4個items
湯底麵質叉燒同埋溏心蛋~
分個類先🤣麵質會喺豚X雞白湯詳講
而叉燒同溏心蛋就會喺地雞鹽味湯度講!😋

👍🏿豚X雞白湯拉麵 $105
一早聽聞泓一嘅雞白湯好出名
所以去到第一時間揀咗先🤣
湯底果然非常濃稠店家聲稱採用W湯頭嘅做法
即系以雞同豚骨再混合昆布魚干鰹魚等材料熬製而成
味道比起一般雞白湯更豐富
同時帶出豚骨同地雞嘅香味個人覺得雞味稍為出少少
但亦不失豚骨嘅脂香
唔知有冇錯🤣就咁飲湯嘅話帶淡淡嘅酒香
就好似系拉麵湯嘅稀稠程度配上濃厚沾麵湯咁
好rich! 而又唔會過鹹👍🏿

店家聲稱採用獨特配方做出 “多加水熟成麵”
簡單嚟講就系含水量比較高嘅麵條
切割度同麵質配合得好好麵條柔軟得嚟有彈性!🤪
而呢碗拉麵採用比較幼身嘅全麥麵條
話有麥香又未至於誇張咗
但掛湯能力非常之高~
令成碗拉麵味道濃稠而又唔會話太鹹太greasy
Overall湯底嘅濃郁程度同麵條嘅掛湯能力系match嘅
不過我哋都一致覺得佢未有驚喜只系碗好食嘅拉麵🤣
味道: 8/10
性價比: 7/10

👍🏿地雞鹽味拉麵 $108
唔鍾意太濃太creamy湯底嘅朋友~
可以學史努比咁揀鹽味
相對清啲如果食完W湯底再食佢會覺得稍淡
但其實佢本身系夠味嘅😋
而且鹹度適中系抵讚嘅👍🏿
頭幾啖食嘅時候其實雞嘅味道唔算太明顯
不過食食下就會食到佢散發出淡淡嘅雞味~
Mild啲史努比幾鍾意🤣
要挑剔嘅系雞油份量頗多
雖然咁樣個味會香啲但史努比就略嫌佢有啲太油🤏🏿

麵條相對頭先嘅雞白湯粗身啲
但都依然好掛到湯食落味道啱啱好🥰

最值得大大力讚嘅系隻溏心蛋!!
見到蛋黃呈橙紅色都知系靚嘢
整得比較生非常流心
正正就系史努比鍾意嘅生熟程度😋
通常咁生嘅蛋蛋味相對弱啲呢隻嘅蛋香卻系超突出!
另外浸醬油嘅時候足夠令佢帶啲醬油嘅甜
但依然冇搶過咗蛋香🤪
叉燒就有兩塊
一塊系慢煮豚叉燒另一款就系雞胸
正常發揮~豚叉燒軟嫩入味
而雞胸肉都好夠滑帶啲黑椒嘅香氣
味道: 8/10
性價比: 7/10