茶墨 (已結業)

上次黎無晒紫薯，只好試其他野飲，今次經過the One，決定一定要上樓試下紫薯鐵觀音沙冰（無糖，牛奶，$39）。今次呢杯就無上次畫得咁水墨風格，或者有可能芝麻醬比紫薯易畫？不過加左牛奶之後嘅粉紫色睇落都幾少女，自己唔鍾意甜就叫無糖，因為紫薯蓉本身都有少少甜，鍾意甜嘅話可能要叫半糖以上啦。入口會飲到比較重鐵觀音茶味，然後攪勻飲就會試到紫薯同埋少少奶香味，呢杯沙冰算係綿滑。比起有麻糬果杯真係會食到飽，呢杯相對飲落都算清爽。