影片
更多
2023-11-15
289 瀏覽
今日經過附近，捻起人氣店倆口小吃，開業至今都未食到過，因為次次經過都排長龍。捻住今日係平日又咁橋鋪頭仲有15分鐘就開店，就去望望，前面都有2-3位食客等緊開門。一場黎到，當然係叫曬每款食物試下，名物刈包有一款傳統幾款新式既，本身覺得新式好吸引好想試，但係都係想試下傳統款有咩咁吸引先，刈包可以加錢跟餐配蕃薯條同飲品就一併試埋。壓餅方面，本身想試芋泥肉鬆，但原來今日係無，所以就叫左四式芝士。最後埋單剛好100蚊，需要等15分鐘先可以拎。拎到後都最快速度返去食食左壓餅先，都仲有DD熱度，拉到絲，但係芝士味覺得唔算好濃（我係芝士控），如果凍左D食，食多陣會覺得膩，唔算好吸引，下次有機會會食其他味道。以前返內地有食過刈包，對呢樣食物都有D印象，所以對呢個刈包好有期望。真係好好食，整個包比想像中大同厚， 包皮鬆軟，比一般食到既刈包包皮厚，食落去有甜味，似食緊一個好食既饅頭，配上內裡既五花滷肉、酸菜、莞茜、花生碎同柚子醬，好正。五花滷肉做到入口即融，下面夾既酸菜同柚子醬令到無左腩肉既肥膩，一口接一口，好快就食曬十分推薦。跟餐既梅子粉蕃薯條分量多，夠熱，外少少酥脆，入面係軟糯既蕃薯泥，覺得幾好食，不過
一場黎到，當然係叫曬每款食物試下，名物刈包有一款傳統幾款新式既，本身覺得新式好吸引好想試，但係都係想試下傳統款有咩咁吸引先，刈包可以加錢跟餐配蕃薯條同飲品就一併試埋。
壓餅方面，本身想試芋泥肉鬆，但原來今日係無，所以就叫左四式芝士。
最後埋單剛好100蚊，需要等15分鐘先可以拎。
拎到後都最快速度返去食
食左壓餅先，都仲有DD熱度，拉到絲，但係芝士味覺得唔算好濃（我係芝士控），如果凍左D食，食多陣會覺得膩，唔算好吸引，下次有機會會食其他味道。
以前返內地有食過刈包，對呢樣食物都有D印象，所以對呢個刈包好有期望。真係好好食，整個包比想像中大同厚， 包皮鬆軟，比一般食到既刈包包皮厚，食落去有甜味，似食緊一個好食既饅頭，配上內裡既五花滷肉、酸菜、莞茜、花生碎同柚子醬，好正。五花滷肉做到入口即融，下面夾既酸菜同柚子醬令到無左腩肉既肥膩，一口接一口，好快就食曬十分推薦。
跟餐既梅子粉蕃薯條分量多，夠熱，外少少酥脆，入面係軟糯既蕃薯泥，覺得幾好食，不過因為食曬成個刈包有D太飽食唔落，下次要揾朋友share😂
張貼
