影片
更多
2012-06-30
73 瀏覽
其實講左幾年, 一直都好恨黎呢間食... 終於今日同媽媽&佢朋友一齊黎試左. 抱住非常期待既心情黎到.睇過食評, 知道星期六日及公眾假期Lunch Buffet既價錢又平($348+10%), 食物款式同Dinner Buffet($448+10%)食既一樣, 都有生蠔, 鵝肝, 和牛, 蟹腳. 所以就梗係黎試下個Lunch Buffet今朝剛落8號風球, 可能因為落雨關係, 我諗得3成人咋. 勁開心, 唔洗排好耐隊. 一黎到梗係試生蠔啦^^生蠔有5款: 紐西蘭, 美國, 南非, 西非, 法國.第一轉攞時, 佢會一次俾晒5次你試第二轉攞時, 自己就可以選下自己鍾意食邊隻. 其實款款都好鮮甜, 唔覺戥, 乜都唔加就咁食, 都好好味! 我覺得紐西蘭細細隻好清甜, 西非就好Creamy... 前後我食左13隻...刺身有好多款: 蟹棒, 玉子, 甜蝦, 三文魚(我覺得係三文魚腩), 希靈魚, 帶子我淨係食我鍾意既三文魚,帶子, 甜蝦, 樣樣都好新鮮. 正長腳蟹: 好食. 食左5隻沙律: 其實度度都一樣, 不過我鍾意食, 每次食Buffet都要食都要影返張相 另外黎到呢度一定要食既就係:鵝肝多
睇過食評, 知道星期六日及公眾假期Lunch Buffet既價錢又平($348+10%), 食物款式同Dinner Buffet($448+10%)食既一樣, 都有生蠔, 鵝肝, 和牛, 蟹腳. 所以就梗係黎試下個Lunch Buffet
今朝剛落8號風球, 可能因為落雨關係, 我諗得3成人咋. 勁開心, 唔洗排好耐隊. 一黎到梗係試生蠔啦^^
生蠔有5款: 紐西蘭, 美國, 南非, 西非, 法國.
第一轉攞時, 佢會一次俾晒5次你試
第二轉攞時, 自己就可以選下自己鍾意食邊隻. 其實款款都好鮮甜, 唔覺戥, 乜都唔加就咁食, 都好好味!
我覺得紐西蘭細細隻好清甜, 西非就好Creamy... 前後我食左13隻...
刺身有好多款: 蟹棒, 玉子, 甜蝦, 三文魚(我覺得係三文魚腩), 希靈魚, 帶子我淨係食我鍾意既三文魚,帶子, 甜蝦, 樣樣都好新鮮. 正
長腳蟹: 好食. 食左5隻
沙律: 其實度度都一樣, 不過我鍾意食, 每次食Buffet都要食都要影返張相
另外黎到呢度一定要食既就係:鵝肝多士: 大大件, 有少少煎燶了, 不過夾埋塊多士又唔覺膩, 我一個人食左3件
澳洲和牛: 厚切好味呀. 唔太軔, 好有牛味
即煎澳洲和牛: 薄身即煎即食, 真係勁好味. 又有少少筋. 仲帶出左好香既牛味
熟食: 海南雞, 肉醬意粉, 燒賣, 包, 蝦仁炒蜜豆, 咖啡雞, 豬扒... 不過今次主要食海鮮, 熟食只係食左好少好少.
其中一口和牛漢堡, 用匙裝住, 細細粒幾好味.
食晒以上所講既海鮮, 和牛, 鵝肝, 其實已經好飽了. 食左少少甜品, 飽到連Dreyers 雪糕都食唔落>.< 最後一定要食既甜品: 北海道牛乳布丁. 真係好好食, 又香濃
以呢個$348既價錢, 對我黎講絕對物超所值. 一定會再黎食過 ^o^
張貼
