醒辰冰室 (東匯坊)

營業中

休息中

食左好多次醒辰冰室下午茶，復活節放假，終於食到醒辰冰室早餐。大約十點半黎到，自己一個當然識行去後面望牆的單人座位。早餐都有幾多選擇，有中有西，價錢都非常街坊價。醒辰冰室落單，尤其見到果個呀叔侍應，記得要講英文加數字。雖然佢係唔會用手寫低，但睇黎每次都落啱。今次我就試A4沙嗲牛肉公仔麵加熱奶茶少奶。份量剛剛好，女士食都有機會食唔晒！仲有呀，呢種杯保溫真係好勁，我本身都好飲到熱野，但呢款杯，我食晒食物先飲都覺得非常熱！如果趕時間的話就好難入口了！出去埋單比錢時，瞄到原來佢地有全英文餐單！都幾細心！我最欣賞都係坐得舒服，整體黎講好安靜，呢度啲人傾偈聲音唔會大。