六本渥日本料理鐵板燒+爐端燒 (已易手) 新餐廳

要數性價比高鐵板燒店，呢間肯定榜上有名！十道菜嘅頭盤係沖繩海葡萄沙律，之後上刺身盛合(有三文魚、油甘魚、海膽、甜蝦)、跟住靚仔大廚出場，在蛋殼內灌蛋漿，蒸熟後撒上黑魚子，鹹得有道理，好嘞！我最期待嘅畫面出現了……鉄板燒北海道鱈場蟹腳！睇住長腳蟹慢慢變紅……上碟……一啖啖"噬"佢，正呀！彈牙架！食時遲那時快，大廚又將剛從魚缸撈起嘅話鮑魚，用十大酷刑之一嘅生燒活剝將佢殼肉分離，煎不過一分鐘就上碟，雖然細隻啲，但好爽好有咬口！… 跟住就係食傳說中比神戶牛更高級嘅飛驒牛，今次揀五成熟，大廚又再顯功架，將火燒到天花板咁高！咦！方形厚切嘅飛驒牛咬落去咁似棉花糖腍滋滋，係好爽，不過有渣。反而三文魚扒幾有驁喜，油份啱啱好、之後食埋黑松露野菜炒麵，遇熱嘅松露好香好濃，蜆肉味噌湯唔鹹ok喎，甜品係木糠奶凍，比坊間嘅木糠布甸更滑！😀😉