影片
更多
2020-09-10
430 瀏覽
自從買過兩次古早蛋糕回家吃後，有人就好似上咗癮一樣，每次見到有新舖開張都話要幫襯。今日去深水埗飲下午茶，回程時路經福榮街，見到呢間「經典古早味蛋糕」，問過門口阿姐，原來店舖只係開咗幾個月。見啲蛋糕新鮮出爐，口味又多，有原味、流心朱古力、流心芝士、綠茶、黑糖、肉鬆，而且仲可以買全個或者半件，夠曬靈活，有人已經即時話要試。反正有人咁想食，就買多幾款試下，揀咗肉鬆、綠茶同流心芝士，三大盒，好墜手。阿姐仲話如果即日食唔曬，可以放喺雪櫃，留返第二日做早餐，用微波爐翻熱就食得。回到家已經急不及待要拿出來品嚐。先試肉鬆味 ($65)，蛋糕面頭鋪滿鹹香的肉鬆，連中間都塞滿一絲絲肉鬆，食落鹹鹹地又甜甜地，很得意，而且一路食一路有肉鬆碎跌出嚟，好足料！至於綠茶味古早蛋糕 ($60) 口感亦很不錯，蛋糕色澤翠綠，入口鬆軟綿密，蛋味很香濃，而且質地夠濕潤，食落唔會乾爭爭，茶香淡雅不苦澀，甜度亦掌握得剛剛好。另外這款流心芝士 ($75) 亦很令人回味，芝士分量下得很慷慨，蛋糕面頭舖滿芝士碎粒，打橫睇可以清楚見到中間仲有一層流心芝士，鹹香的芝士味跟蛋糕的蛋香味超夾，香濃鬆軟又不會過膩。 有人仲話下次經過要試埋
今日去深水埗飲下午茶，回程時路經福榮街，見到呢間「經典古早味蛋糕」，問過門口阿姐，原來店舖只係開咗幾個月。
見啲蛋糕新鮮出爐，口味又多，有原味、流心朱古力、流心芝士、綠茶、黑糖、肉鬆，而且仲可以買全個或者半件，夠曬靈活，有人已經即時話要試。
反正有人咁想食，就買多幾款試下，揀咗肉鬆、綠茶同流心芝士，三大盒，好墜手。阿姐仲話如果即日食唔曬，可以放喺雪櫃，留返第二日做早餐，用微波爐翻熱就食得。
回到家已經急不及待要拿出來品嚐。先試肉鬆味 ($65)，蛋糕面頭鋪滿鹹香的肉鬆，連中間都塞滿一絲絲肉鬆，食落鹹鹹地又甜甜地，很得意，而且一路食一路有肉鬆碎跌出嚟，好足料！
至於綠茶味古早蛋糕 ($60) 口感亦很不錯，蛋糕色澤翠綠，入口鬆軟綿密，蛋味很香濃，而且質地夠濕潤，食落唔會乾爭爭，茶香淡雅不苦澀，甜度亦掌握得剛剛好。
另外這款流心芝士 ($75) 亦很令人回味，芝士分量下得很慷慨，蛋糕面頭舖滿芝士碎粒，打橫睇可以清楚見到中間仲有一層流心芝士，鹹香的芝士味跟蛋糕的蛋香味超夾，香濃鬆軟又不會過膩。 有人仲話下次經過要試埋其他幾款口味添！
張貼
