公子茶座 (已結業)

去朋友屋企附近搵野食，見到新開嘅茶記，就一齊去試下，午餐50幾，下午茶30幾蚊包野飲，定價都好貼地。西多士一定要跟糖漿先係皇道！厚西多夠脆，花生醬好足料好香，鮮牛油味出。Cold brew咖啡， 可可焦糖味出，不苦不酸，香醇易入口。平民價錢，飲到高質冷萃。肉餅煎得好脆，肉餅肉味香，唔係死咸有鮮味，配蔥油無得輸。沙爹牛麵，濃湯配滑蛋同牛油脆多士，係香港人都唔會食厭嘅組合！紅豆椰汁冰，用椰汁冰刨冰配香甜大粒紅豆蓉，份量足料，透心凉。南乳炸雞脾，皮脆肉嫩，南乳醃得入味座位闊落，有懷舊氣氛食物質素好，選擇多，款式夠經典，價錢貼地，值得街坊支持。