芳華絕代 (已結業)

新年流流，好多店都未開翻。行完花市之後無定去，行行下就行到呢間店，咁岩肚餓就入去試試。入到去無咩人，位都好多，店內裝修都幾吸睛，好多打卡位。一坐低點左個冬陰公金邊粉同埋船麵，餐包野飲，可以揀熱茶或者果汁。兩個麵都上左之後，有點後悔叫左個船麵，個湯得一陣咸咸地嘅味，唔出眾，普普通通。唯一好就係佢比多左炸豬皮，脆脆地都可以過下口癮。相反碗冬陰公就好impressive啦，又香又酸，口水都流晒。食野嘅選擇唔算好多，麵底唔算多，茶係茶包都叫飲落有質素，水果汁就正常發揮啦盒裝上杯。價錢偏高，好彩唔係日日食，可以接受。事關果日有戴口罩，不嬲都聽足醫生講要除口罩前後各洗一次手嘅我，聽到廁所要上樓上就即係破戒，只係徒手除左口罩放入信封先一次過洗手。但佢廁所個位有點奇怪，去過就知架啦唔講太多。