批&撻專門店

營業中

休息中

今日經朋友介紹認識左一個響綠楊坊開新店既舖頭既老細，同佢傾吓計學吓野。飲左杯咖啡，同佢傾完計我就要趕去老人院探公公，有少少肚餓，就去揾小小嘢食。 見到泡芙店，但一個成20蚊，點捨得食吖。。。我都係食返撻算了。去到Pie and Tart,我竟然被個狗仔蛋粒吸引住❤❤有好多撻既選擇，有甜有咸，見到都有新既紫薯撻，但我未想試，想食朱古力撻，但得返個唔靚，唯有要返最普通既奶撻。奶撻新鮮熱辣，有陣微香既味道，撻皮脆脆地，中間奶嗰part好滑，滑到吸入口時，撻撻聲,味道就甜左少少。食完都飽左啲，下次希望有機會試新嗰個紫薯撻吧！