Red Lobster (Fashion Walk) (已結業)

今日放假，同老婆去銅鑼灣行街，順便嚟過午餐，地點揀了Red Lobster.二人點了一個午餐包括蕃茄湯，車打芝士鬆餅及龍蝦薄餅，再另加一個招牌紅蝦沙律。車打芝士鬆餅有驚喜，芝士味濃烈，鬆餅亦鬆化，而且係免費，冇得頂。蕃茄湯味道濃烈，酸中帶甜，非常好飲。紅蝦招牌沙律份量大，沙律菜非常新鮮，另加上牛油果粒，蕃茄粒及少量炸煙肉碎，配上千島醬，非常好味，值得推薦。龍蝦薄餅卻有點失色，薄餅非常乾及硬，薄餅味道亦淡，冇乜味道。整體來講，除咗個薄餅稍為水準以下，樣樣都幾好味。最緊要經濟實惠，埋單只係$200。