千代鶴

營業中

休息中

呢間係日式壽司居酒屋，喺屋企附近一直都想試！見而家單點主餐牌做緊八五折優惠，加埋啱啱出消費券，即刻去試吓先！三文魚親子丼三文魚份量都幾多，食落新鮮肥美，油香好夠！表面有充滿鹹香嘅三文魚籽，每一粒都晶瑩通透～咬開鹹香滿瀉，雖然睇落好似唔係好大碗，但係食晒成碗都幾飽！海膽可樂餅可樂餅新鮮炸起，表面金黃香脆，入口亦都非常鬆化！中間食到海膽，甘香濃郁～ 呢個配搭都唔錯！香脆外殼同埋軟綿海膽質感形成強烈對比，令口感更有層次！日本國產免治雞肉棒每次去到邊都要叫！雞肉棒口感豐富，表面微焦，食落夠晒惹味！一定要嗌返杯酒啤啤佢！手卷當日同朋友仲試咗幾款手卷，有鰻魚、海膽、蔥吞拿魚蓉等，每一款嘅份量都好多！夠晒足料！而且刺身好新鮮～ 抵食！