燧記廚房 (巧運工業大廈)

營業中

休息中

-近排頻頻食飯慶祝朋友生日💸 韓燒完有意大利菜 遲啲會食日本嘢 今晚一於買平靚正外賣 舒緩荷包👛嘅壓力-🐖#川味回鍋肉 $55呢個係套餐價錢 小菜之外 有白飯同紫菜蛋花湯或者支裝豆漿 川式回鍋肉嘅干扁豬腩肉比較乾身 油膩感減少 代之而嚟嘅係用花椒八角提味 唔算特別辣 啱晒餸飯 蛋花湯味道淡淡地 用嚟濕吓口或者撈勻當湯飯食都唔錯-🐂#黑椒牛柳 $60與其叫佢牛柳 不如話係牛肉片 肉嘅份量幾多 當中加上大量彩椒 有菜有肉色水唔錯 只可惜茨汁比較杰身 黑椒味道唔突出 下次再買 我會揀蔥爆牛肉或者孜然牛肉 重口味啲可以用嚟餸飯-📍#燧記廚房觀塘駿業街66號巧運工業大廈1樓A室