心日本料理 (已結業)

有人工作不如意，自己「感覺」「經濟拮据」，居然大幅剋扣「上餐館」的次數。其實食少一餐兩餐，又係咪幫到件事呢？Anyway，極力爭取、加上搵到優惠，先有機會「食餐好嘢」。來回Uber差不多3舊水（你話果啲所謂要「慳」係咪好無謂呢），過海搵到這家小店，都唔易搵。 店裡座位不多，應該都是熟客為主，加上一些住附近的老外。店員都很主動跟客人聊天。先點了漬物蒜頭、蟹子沙律。正常。極上刺身拼盤，擺得幾靚、亦好細心跟紫菜食海膽。質素 ok 啦可惜鯛魚有麟。吞拿魚蓉卷。好味。有啲脆脆喺上面，有心思。串燒，正常不錯。壓軸：鯛魚湯烏冬。好味！湯底濃郁夠魚味，可以同西環的「濤」比拼。湯底一飲而盡。再後加了海膽炒飯，食唔晒打包。第二日叮返都好味。自帶 chablis 白酒，配刺身一絕。開瓶費$50，讚一個。埋單有優惠，2人$600多，抵到喊。平常呢個價，一位都唔止。食完，咪又冇破到產～ 錢係可以搵返嘅～ 放鬆啲～後記：太開心漏低了裝酒的保溫袋。之後打返電話去，店員都好有禮貌話幫我 keep 住。「英雄被困九龍灣，不知何日去我中環」，執筆之時都未知何時可以去取回。感謝店員代為保存。