老地方 (已結業)

去到大埔如果你想食個2人餐有菜有肉又飯又小菜又餐肉唔過$200你可以考慮「老地方」～ 有set a或b選擇！個人比較愛set a!集合粵式泰式台式風味！樣樣都大大碟！有鑊仔菠蘿泰式炒飯！鹹香炒通菜！台式芥末蜜糖雞翼！越式酸辣鳳爪！4大碟！每樣都好夠鑊氣但唔油淋淋！味道唔會太鹹太淡！雖然位置上比較迫，但係服務上周到！做開街坊生意！價錢上都好親民～ 兩個男人食都一定夠飽！唯獨不足係餐飲上選擇唔多，特飲要加嘅價錢都比較貴～ 但認真講＄200樓下有咁多野選擇又大碟又味道好～ 就避免雞蛋裏挑骨頭！😊