Mango Tree Café (已結業)

其實員工嘅態度正常，唯獨經理好神奇。 本身我地同其中一個staff預先order左cake,講明叫上先上，佢仲話星期四可以任坐無時限。 食左一輪，我地其實未飽，點知佢地旋風式收哂啲餐具，說時遲 那時快，仲上埋個驚喜甜品，我地全部呆哂。跟住同上菜個staff講我地未飽，想再叫，咁個staff番番去廚房諗住放底，點知個經理大大聲：「玩野」 跟住我地怕有手尾，叫埋碟甜品番黎，個經理又大大聲：「拎番出去呀」明明錯不在我地，卻俾經理咁嘅對待，真係差啲以為自己under佢。