影片
更多
2023-12-04
766 瀏覽
由於之前openrice聲稱下列內容可能有法律責任，但本人基於食評內句句屬實，並無虛言！特此再次出文，以警惕街坊！＃深水埗長沙灣街坊＃＃歡樂大排檔＃真人真事：10月29號去晚飯埋單時，個女收銀俾晚飯張單我睇係455元，於是我就用信用卡埋單，係不需要簽名嘅，攞返信用卡收據冇睇得咁仔細就走左，到上左車至睇到張信用卡收據收左603元，於是即刻打返去問，個女收銀聽電話，我講完俾佢聽啱啱埋單收多左錢嘅事，佢竟然好冷淡咁話等陣，跟著叫左個男人聽，我就由頭講多一次俾佢知收多左我錢嘅事，佢聽完竟然話：收多左幾十元唧！你自己都要有責任睇清楚張單架！我話而家都係我自己睇到你地收錯錢所以打返黎架，收錢嗰個係你地，你地冇責任淨係得我有？仲有咩幾十元呀！你地係收多百幾元呀！如果我再黎幫襯，每次埋單要小心翼翼睇你有冇收多我錢咁牙煙，我仲敢黎咩？個男人仲要再話：收多左你百幾元唧！咁你咪黎攞返咯！呢刻我真係着着地，餐廳收錯錢唔係死罪，我都係埋完單走左唔夠15分鐘就打返黎問，但餐廳兩個人聽完電話，都冇講過一句唔好意思，仲要將責任俾返我！到第二晚我上去攞錢，個女收銀聽到我話黎攞返尋晚收多左嘅錢，就咀藐藐扮聽唔到，個男經理
＃深水埗長沙灣街坊＃
＃歡樂大排檔＃
真人真事：
10月29號去晚飯埋單時，個女收銀俾晚飯張單我睇係455元，於是我就用信用卡埋單，係不需要簽名嘅，攞返信用卡收據冇睇得咁仔細就走左，到上左車至睇到張信用卡收據收左603元，於是即刻打返去問，個女收銀聽電話，我講完俾佢聽啱啱埋單收多左錢嘅事，佢竟然好冷淡咁話等陣，跟著叫左個男人聽，我就由頭講多一次俾佢知收多左我錢嘅事，佢聽完竟然話：收多左幾十元唧！你自己都要有責任睇清楚張單架！
我話而家都係我自己睇到你地收錯錢所以打返黎架，收錢嗰個係你地，你地冇責任淨係得我有？仲有咩幾十元呀！你地係收多百幾元呀！如果我再黎幫襯，每次埋單要小心翼翼睇你有冇收多我錢咁牙煙，我仲敢黎咩？
個男人仲要再話：收多左你百幾元唧！咁你咪黎攞返咯！
呢刻我真係着着地，餐廳收錯錢唔係死罪，我都係埋完單走左唔夠15分鐘就打返黎問，但餐廳兩個人聽完電話，都冇講過一句唔好意思，仲要將責任俾返我！
到第二晚我上去攞錢，個女收銀聽到我話黎攞返尋晚收多左嘅錢，就咀藐藐扮聽唔到，個男經理就叫佢喺收銀機攞返收多左我嘅148元俾返我，跟著又問我姓乜叫我寫落張單度，我話我淨係黎攞返收多左我嘅錢，冇其他野要幫你！
寫咁長篇係想同各位街坊講：
冇諗到今時今日仲有人用呢啲技倆揾食，明碼實價去做生意冇問題，如果個女收銀同個經理唔係夾埋有心收錯收多人錢，點解仲會咁理直氣壯，由頭到尾一句唔好意思道歉乜都冇，收錯錢就完全係個客人冇睇清楚張單嘅問題？
仲有就係張飯單價錢＄455，但個收銀打落去信用卡就收603？究竟係真係打錯哂3個數目字定有人存心詐騙？
要再去幫襯嘅街坊就自己睇路啦！
＃埋單小心謹慎
＃對左食飯張單先
＃如果碌卡仲要再睇埋信用卡底單，因為好多時候都唔駛簽名
＃最好對埋信用卡銀行發出嘅訊息
＃去呢間餐廳幫襯俾啲耐性
＃唔好嫌嘥時間對哂所有單
咁就唔會好似我咁嘥時間要再上去問餐廳攞返原本屬於我嘅錢啦😅
張貼