影片
更多
2009-07-04
16 瀏覽
噚晚同老公去左大美篤搵野食, 行過呢間餐廳門口, 有位四眼阿嬋走出黎, 熱情地同我地打招呼又叫我地入去試下. 我地見餐牌價錢唔係貴, 就抱住一試無妨嘅心態跟左佢入去.環境當然係一般啦. 一坐低佢地就送上一碟酸青瓜蘿蔔, 下…呢度唔係食西餐嘅咩, 點解比碟咁嘅野黎, 有點兒奇怪 (有下文). 佢地有個T骨牛排餐配龍蝦湯買$108….價錢幾吸引喎, 但我想食羊排, 老公又唔鍾意食 T骨, 所以就冇叫到. 最後我地叫左一個 銀雪魚羊架, 老公要左個 肉眼扒, 這些套餐本身都有餐湯, 但唔係龍蝦湯, 跟住阿嬋就話餐湯可以轉做龍蝦湯.第一度菜係三文魚沙律, 大致上都OK新鮮, 只係sauce 少左啲, 唔係好夠味. 跟住上龍蝦湯, 味道唔錯, 但冇面包配, 實在有點失色; 跟住主菜上枱, 肉眼扒嘅肉質及味道都幾好; 但銀雪魚就唔得啦…冇味嘅, 羊扒亦只屬一般; 最奇怪係兩個餐都無問我地要咩野汁, 結果出菜時就2 個餐都係用同一個 sauce囉. 最後個甜品都算奇特…山水豆腐花. 老闆係想做到首尾呼應呀? 還是日間的甜品賣唔晒就唔好嘥呢? 再加上成晚播D陳年粵語流行曲既音樂, 總之
環境當然係一般啦. 一坐低佢地就送上一碟酸青瓜蘿蔔, 下…呢度唔係食西餐嘅咩, 點解比碟咁嘅野黎, 有點兒奇怪 (有下文). 佢地有個T骨牛排餐配龍蝦湯買$108….價錢幾吸引喎, 但我想食羊排, 老公又唔鍾意食 T骨, 所以就冇叫到. 最後我地叫左一個 銀雪魚羊架, 老公要左個 肉眼扒, 這些套餐本身都有餐湯, 但唔係龍蝦湯, 跟住阿嬋就話餐湯可以轉做龍蝦湯.
第一度菜係三文魚沙律, 大致上都OK新鮮, 只係sauce 少左啲, 唔係好夠味. 跟住上龍蝦湯, 味道唔錯, 但冇面包配, 實在有點失色; 跟住主菜上枱, 肉眼扒嘅肉質及味道都幾好; 但銀雪魚就唔得啦…冇味嘅, 羊扒亦只屬一般; 最奇怪係兩個餐都無問我地要咩野汁, 結果出菜時就2 個餐都係用同一個 sauce囉. 最後個甜品都算奇特…山水豆腐花. 老闆係想做到首尾呼應呀? 還是日間的甜品賣唔晒就唔好嘥呢? 再加上成晚播D陳年粵語流行曲既音樂, 總之成餐飯就唔中唔西.
到埋單啦…我老公比錢, 盛惠 $273. 我開頭都冇留意, 後來諗諗下一個餐都係$108, 加一都計唔到 $273 啦, 叫個伙計比張單再睇清楚囉. 嘩…原來轉龍蝦湯一個要加 $25, 兩個就加 $50, 其實加錢唔係問題, 但阿嬋幫我地落單轉龍蝦湯時提都冇提過, 就唔合理.
此外, 果碟酸青瓜蘿蔔又要收 $5. 簡直不知所謂. 因為果碟野根本就唔應該在西餐廳出現.
雖然埋單總數都唔算好貴, 而且也無收加一. 但1個百靚蚊的套餐要加25蚊轉個湯, 而且係側側膊甘收, 就始終講唔通.
張貼