Chip In Fish & Chips (已結業)

周末難得約咗班朋友去西貢燒烤，時間未到有啲餓，就喺碼頭附近掃下街止下餓。有朋友介紹係公園既呢間小食店既Fish and chips，純粹想依下肚所以揀咗細份一齊share（$48）。可以喺揀三款醬內揀一款，想要多款醬既好似要加$5，而我揀咗他他醬。舊魚一落單先炸，肉質鮮嫩，炸皮夠薄，食落去唔會太油膩，無咁大罪惡感xdd略嫌薯條唔夠熱，可能因為已經擺咗陣。再者店舖可用作進食既位置較細，得幾張枱仔俾客人坐，其他人惟有企或者喺隔離既公園坐住食。