影片
更多
2024-10-12
1154 瀏覽
經朋友介紹，第一次嚟半島酒店瑞士小木屋慶祝結婚周年，一入到餐廳就已經好驚喜，環境溫馨舒適感覺翻翻去北歐既感覺，Staff又好nice好細心🫶🏻一嚟到就送上一盤唔同款嘅麵包，仲有呢個芝士法包食咗一片非常好食，好難停口！午餐同晚餐都有set我哋散叫，頭盤叫左個Chesa Salad，好食夠多料酸酸哋好開胃，仲牛油果係入面。跟住就係其待嘅芝士火鍋，第一次食芝士火鍋好驚喜我哋揀咗比較濃味嘅芝士減少酒嘅濃度，食到底仲有少少焦香。主菜羊架揀咗五成熟，廚師控制火候非常準確，羊肉嫩得嚟唔會血淋淋又唔油又唔韌岩岩好，配菜嘅千層薯仔好creamy，面頭有少少焦香嘅芝士。最後餐廳好窩心，送左個小木屋甜品比我地慶祝周年紀念。Thanks so much 呢間餐廳絕對值得再黎，期待下次🤗多謝咁好嘅餐廳同Staff~
一嚟到就送上一盤唔同款嘅麵包，仲有呢個芝士法包食咗一片非常好食，好難停口！
午餐同晚餐都有set我哋散叫，頭盤叫左個
Chesa Salad，好食夠多料酸酸哋好開胃，仲牛油果係入面。
跟住就係其待嘅芝士火鍋，第一次食芝士火鍋好驚喜我哋揀咗比較濃味嘅芝士減少酒嘅濃度，食到底仲有少少焦香。
主菜羊架揀咗五成熟，廚師控制火候非常準確，羊肉嫩得嚟唔會血淋淋又唔油又唔韌岩岩好，配菜嘅千層薯仔好creamy，面頭有少少焦香嘅芝士。
最後餐廳好窩心，送左個小木屋甜品比我地慶祝周年紀念。Thanks so much
呢間餐廳絕對值得再黎，期待下次🤗多謝咁好嘅餐廳同Staff~
張貼
