影片
更多
2015-08-28
5215 瀏覽
致劉x霞小姐:今晚農曆七月十四日，我在這裡想寫封信給你。冇錯，很多人會襯節日，寫一封信給你的致親和表白，但今日，我想寫一封信，談一下你非常有宗旨的工作態度。我在想這應該是食評與否，剛剛記起，這裡有非試食文，好，就在這裡奉獻我的第一篇試食文，因為當晚我沒有在這裡食到晚飯。然而，我希望所有到這裡吃飯的朋友，如果你要來這裡食飯，要有三戒，記得唔好遲到·唔好遲到同唔·好·遲·到。今晚，我預約了七點，但我今天的工作真的很忙很忙，七點才剛剛開始搭巴士，塞車塞左一會兒，好不容易用了四十分鐘到左個度，老實說，我都知我遲到唔啱，我有想過打電話話我遲左放工，試下可唔可以好似鋤大d投降輸一半咁，認衰便輸少當贏，咁樣可以遲到都有得食，但係，我覺得不如都係去現場睇下啦，等一陣都應該嘅，遲到係我錯，因為我真係好想試呢間蒸氣火鍋。好啦，硬著頭皮去到，已經有很多人等位，我心知不妙，但為食的性格累事，因為我好想食呢間野，我行埋去，那刻是七點四十五分，這天，我遇上了你，劉x霞小姐，應該是這幾年我見過最敬重的服務員。我決定說出我遲到的事實，我有想過話我遲到係因為等埋發叔，有想過話因為世界難撈放工時間難控制，有想過話我可能飲
今晚農曆七月十四日，我在這裡想寫封信給你。冇錯，很多人會襯節日，寫一封信給你的致親和表白，但今日，我想寫一封信，談一下你非常有宗旨的工作態度。
我在想這應該是食評與否，剛剛記起，這裡有非試食文，好，就在這裡奉獻我的第一篇試食文，因為當晚我沒有在這裡食到晚飯。
然而，我希望所有到這裡吃飯的朋友，如果你要來這裡食飯，要有三戒，記得唔好遲到·唔好遲到同唔·好·遲·到。
今晚，我預約了七點，但我今天的工作真的很忙很忙，七點才剛剛開始搭巴士，塞車塞左一會兒，好不容易用了四十分鐘到左個度，老實說，我都知我遲到唔啱，我有想過打電話話我遲左放工，試下可唔可以好似鋤大d投降輸一半咁，認衰便輸少當贏，咁樣可以遲到都有得食，但係，我覺得不如都係去現場睇下啦，等一陣都應該嘅，遲到係我錯，因為我真係好想試呢間蒸氣火鍋。
好啦，硬著頭皮去到，已經有很多人等位，我心知不妙，但為食的性格累事，因為我好想食呢間野，我行埋去，那刻是七點四十五分，這天，我遇上了你，劉x霞小姐，應該是這幾年我見過最敬重的服務員。
我決定說出我遲到的事實，我有想過話我遲到係因為等埋發叔，有想過話因為世界難撈放工時間難控制，有想過話我可能飲左含鉛嘅水多所以個人都行得慢左，有諗過好多好多的原因，不過劉x霞小姐說:嘩，你遲咁耐，等下啦。
我問:咁等幾耐呀。
劉小姐:你去行一陣啦。
我:咁大概幾耐，我有時間可以預。
劉小姐:好多人呀，答你唔到。
此刻，有個著靚靚西裝的女士過到黎，劉小姐同佢講，佢遲到呀。
那刻我就如小學被訓導主任捉我遲到一樣咁反感。
不過，我真係錯，因此，我冇反擊之餘地。
然後，那個姐姐好似好想幫我，問左我前面有乜人等枱，三兩下手勢，就好似胸有成竹咁，好似好有把握咁。
姐姐行上去後，我就乖乖地等，那個時候，大約八點左右，我都係同張栢芝一樣，賭愛一下，沒法自制投入在愛情，那種愛，我想係那刻投入在好想食呢間餐廳的衝動當中。
等了十分鐘左右，其實好多枱已經慢慢放左出黎，漸漸好多人上左去，我感受到黎明的光，我以為我可以入去食飯啦。於是上去睇下環境係唔係好多人走，我上到去，好靚嘅裝修，特別是那個魚缸和混醬枱，好精美吸引。我見到剛剛幫我的姐姐，然後我問她，到底有位沒有，她說，你等一下吧。
就如觀音兵會等港女一樣，少少的甜頭我就覺得我有機會一樣，女神叫我等，當然等啦，多麼想擁有心儀的女神係此時此刻的大欲望，在餐廳的魚缸看到聖子皇就如見到女神的長腿發左癲一樣，加上看到枱枱的食物都好吸引，我決定乖乖等，加上我看到好像有一兩張卡位枱就走，我便乖乖回去坐。
落到去，繼續等。
當然，那張枱俾左其他人，然後，繼續等。
等到八點十五分，一路等，我一路睇住劉小姐的知客分位技巧，老實說，知客係可以好有霸氣的，如果你安排得好，有壓場感，完全係冇問題的，通常帶位有人投訴有人勁嘈的都係因為知客分配得不夠好，或不夠醒目，但如果你有係度食過，等過位，那麼你又見識過劉小姐的話，我也相信你對她的技巧不敢苟同，因為佢都幾大聲又唔係太有禮貌，我係做服務性行業，講真那刻我的customer experience 好差。
佢望下我，我望下佢，我覺得好似細過遲到對住訓導主任一樣，因為遲到要感到慚愧。我開始覺得唔開心，可能因為我工作能力低，搞到自己遲放工，可能因為我無用，選擇錯交通工具遲到，可能因為我冇交帶，我那刻差點以為自己抑鬱，唔怪得而家咁多癲人，食過飯都有壓力，我開始檢討自己。
不過，為左食，你可以去到幾盡?我決定學至尊寶，"如果可以為呢份感情加一份期限，我希望為一萬年"，唔好意思，我唔係聖人，亦不是孫悟空，我俾自己的期間，係四十五分鐘，因為我遲到左四十五分鐘。
趙學而話，每隔兩秒我都想起你，我完全係每一秒都想起你，劉小姐，你係呢段時間，你完全冇同我溝通，我都不知自己等的位置究竟有冇著落，等唔係問題，但咁樣無了期的等待，我做不到，四十五分鐘，大限到，我決定上樓上搵頭先那姐姐，因為佢似係一個會解決問題嘅人。
上到去，其實看到大部分細枱都唔似走，我知道，我應該食唔到，然後我講：唔好意思呀，我遲到左四十五分鐘，我而家等返四十五分鐘啦，你地如果真係冇位，我唔等啦。”
那個姐姐話：”係啦，我都想做生意，不過，你睇到，我真係冇位，你下次book個啦”
冇問題，你咁講，我覺得係非常好，然後我行番落樓梯。
那刻，我冇乜感覺，我遲到都冇辨法，我理虧在先。
行落去，霸氣十足的劉小姐竟然行過黎，問我個個姐姐有冇幫到我，哈哈，我那刻仲以為佢好好人。
我朋友那刻卻怒氣衝衝拉我走。
係我上去嘅時候，其實我有另一個朋友係度等，佢聽到哂阿霸氣姐講嘅野。
原來係我上去的時候，佢用walkie同上面個個姐講，遲到咪由佢走lor。
呢句野係後來朋友講俾我聽的，應該係我上去問人嘅時候發生。
呢個知客劉x霞小姐，我才知道她的技巧好純熟，純熟我個名技巧樹熊，甘拜下風，我想跟著陳偉霆唱:今天終於知道錯。我遲到，我錯了。
對不起，劉小姐，我知道以後食飯唔應該遲到了。
如何做知客做到不失霸氣，如果我朋友不是在樓下聽到佢嘅說話，我總以為佢好好人，哈哈，那個笑容我一世也記得。
潮福蒸氣火鍋，其實完全唔係你嘅問題，今晚我的遭遇，係劉小姐的問題，佢有絕對優勢，好慶幸你有個咁好嘅員工，如果可以投票選最佳服務員，我覺得我一定會投你，給最有霸氣的知客，我相信所有公關都要學你有咁精彩嘅公關技巧。
敬上
冇你咁有技巧嘅技巧樹熊
張貼