Home‧焙小日子 (希慎廣場)

營業中

休息中

話說姨甥仔生日，一路都諗住買蛋糕，啱啱朋友推介呢間Home焙小日子，忽法奇想，不如我哋自己整蛋糕俾佢。呢度有好多款嘅蛋糕俾你選擇，你可以揀你鍾意嘅蛋糕，然之後有段片俾你睇，睇完片之後你就可以出去攞物資，跟住步驟一步一步，好快你就整到一個一模一樣嘅蛋糕。整蛋糕甜品零經驗嘅我，覺得非常之好玩，而且極度方便，最緊要我整蛋糕嘅配料，用具，就算焗爐攪拌機等等所有嘢都好乾淨整齊企理。由於姨甥仔鍾意動物，我哋整咗個動物森友會俾佢，驟眼睇同出面買真係冇乜分別，而且佢嘅包裝真係幾靚，又有得食又有得玩，最重要幾好食。老婆整嘅琥珀伯爵茶乳酪，簡單又容易學，好適合鍾意呢類簡單甜品嘅女士，一啲都唔甜之餘，又唔難整。如果同朋友又或者小朋友嚟整嘅話，應該非常開心，唔同嘅蛋糕有唔同嘅時間，動物森友會同琥珀伯爵茶乳酪都係兩個至兩個半鐘就已經完成，開頭都好驚會整好耐，但係原來跟住佢嘅步驟真係好簡單，整完都會好有滿足感。下次唔一定要買生日蛋糕，食生日飯之前上去玩返一堂，之後攞住自己親手整嘅生日蛋糕比親戚朋友，驚喜應該仲更加大。