正宗上海生煎皇 (已結業)

又出咗去深水埗搵食，今次俾我撞上生煎包，仲要係自稱「正宗上海」嘅正宗上海生煎皇，當然立刻入舖幫襯試吓有幾正宗！叫咗四粒生煎包加杯凍豆漿，原先應該31蚊加10蚊共41蚊，可能係下午茶關係所以實收31蚊，其實下午茶黎講都算幾抵食。若果抵食得黎又唔係太好食咁點算？就肯定無回頭啦。而呢間「正宗上海」就幾肯定無回頭。生煎包應該皮酥、肉香汁濃，呢度只能講得汁多。唔敢講自己識飲識食，曾經幫襯過「祥XX」生煎包，所以再食呢間會形容為 差天共地！呢度一試可以，可能只係唔啱本人啫。