漁小館 (已結業)

舊同學話想見面吹水，佢係大角咀返工，話想同我地去食好西！大角咀係遠左少少，但為食好野，老遠都去既店內裝修都幾舒服，位置唔多，但每枱與每枱之間唔太迫！同學早到就點左野食先，怕有D 招牌菜冇得叫，明智！嘻嘻！古法蝦子扣柚皮，唔係度度都會食到，扣得好入味，食落有蝦子味，味鮮！酥炸脆皮牛坑腩，呢個就比想像中遜色，牛坑腩偏肥，炸得乾身左。撈起手撕雞半隻，必叫！極快清碟，雞味重，肉又嫩，仲有埋扎肉，好有咬口，又有麻油香味，正！黃金焗海中蝦，咸蛋黃好重手，正到暈，蝦肉彈牙，用料新鮮！籠仔金蒜蒸蟹飯，香到震，蟹都好新鮮，但細隻左少少，荷葉飯味好香，好好食！每人平均都係200蚊左右，好抵食！