影片
更多
2020-02-05
931 瀏覽
第一次寫食評 不吐不快平時成日見呢間野大排長龍今晩8點幾經過 見無人 即管入去試下我唔係食家 只係用一般食客身分去評價大門特製拉麵 - 呢碗味道還可以 湯未係好熱 但尚可接受 不過$75一碗拉面 得一塊叉燒 值唔值真係見人見智 不過我明 行內都係咁 成舊水一碗拉麵一塊叉燒 好正常 但有時我都會唸 一塊叉燒其實值咩錢？我老公點左沾麵 - 一黎到 食第一啖 佢話 個湯唔熱！ 呢類麵食 拉麵又好 沾麵又好 最不能接受 就係個湯唔熱 所以點解去日本食拉麵 人地會連個碗都拎去烚一烚先上麵 就係要保持熱既温度 個湯一唔熱 食落口會好油 好漿 好難食 我忍唔住叫左個帶眼鏡既侍應哥哥 問佢 個湯點解唔熱 佢竟然答我 係呀 我地係暖湯 我即刻吞左啖氣 算 知道繼續講都係曬氣日式煎餃子 - 4個字 —> 好鬼難食佢既做法 係烚熟左 (仲要烚到淋晒，入面既豬肉又散又多肥肉) 然後就求鬼其煎一煎其中一面就上菜 最後 埋完單 我都係忍唔住 同果個帶眼鏡侍應哥哥講 你呢度既野食真係好唔ok 我逐樣同佢講個原因 然後佢既回應係 —> 呆，然後 「哦！」真係救命 點解會有咁無心煮野嘅餐廳 咁差態度既員
平時成日見呢間野大排長龍
今晩8點幾經過 見無人 即管入去試下
我唔係食家 只係用一般食客身分去評價
大門特製拉麵 - 呢碗味道還可以 湯未係好熱 但尚可接受 不過$75一碗拉面 得一塊叉燒 值唔值真係見人見智 不過我明 行內都係咁 成舊水一碗拉麵一塊叉燒 好正常 但有時我都會唸 一塊叉燒其實值咩錢？
我老公點左沾麵 - 一黎到 食第一啖 佢話 個湯唔熱！ 呢類麵食 拉麵又好 沾麵又好 最不能接受 就係個湯唔熱 所以點解去日本食拉麵 人地會連個碗都拎去烚一烚先上麵 就係要保持熱既温度 個湯一唔熱 食落口會好油 好漿 好難食 我忍唔住叫左個帶眼鏡既侍應哥哥 問佢 個湯點解唔熱 佢竟然答我 係呀 我地係暖湯 我即刻吞左啖氣 算 知道繼續講都係曬氣
日式煎餃子 - 4個字 —> 好鬼難食
佢既做法 係烚熟左 (仲要烚到淋晒，入面既豬肉又散又多肥肉) 然後就求鬼其煎一煎其中一面就上菜
最後 埋完單 我都係忍唔住 同果個帶眼鏡侍應哥哥講 你呢度既野食真係好唔ok 我逐樣同佢講個原因 然後佢既回應係 —> 呆，然後 「哦！」
真係救命 點解會有咁無心煮野嘅餐廳 咁差態度既員工 仲要咁多人排隊
你呃得到人一次入黎食埋呢d劣質食物 都呃唔到第二次
點解 唔可以俾d誠意 俾個心出黎去做？
仲有 呢位帶眼鏡既年輕哥仔 我想話 你咁後生 但做野咁無熱誠 以後果幾十年 如果你繼續keep住呢種態度去做你既工作 咁樣去對待客人既善意批評 你會浪費左你既人生
張貼