影片
更多
2010-04-23
31 瀏覽
老老實實...第一次有餐廳唔係我自己聽/搵番黎...係人都知我懶架啦,去上環食Foodcourt? 唔好玩啦~點知今次係我老細Julie極度誠意推薦,佢話班廚係中環M at the Fringe 出黎開呢檔野既,一上open rice睇,雖然開業無耐,不過評價唔錯+無負評,終於去試下~由上環A2出口行過去,15分鐘唔使我地個位好搞笑,o係渠蓋之上,逃生門之前。呢度d野幾好食都好,都係一個foodcourt,想浪漫就唔好黎,唔鐘意等/趕時間都唔好黎喇~不過上等野食配foodcourt環境,都幾迷幻feel~我地叫既係一個平既2人set(好想食貴果個不過預左食唔晒,費事o徙錢),雖然好似個個set d野飲都唔同,不過其實係任揀既,我地要左個橙汁+一杯Sparkling自家制香草包: 一個好憎食包既人咬左啖之後話肯日日都食呢個包,我諗好唔好食唔使再問啦今日既soup of the day 係凍蕃茄湯: 雖然我飲凍湯機會唔多,不過呢個湯真係好好飲,比平時街外飲既好好多倍! 仲要飲完香味係會番o係個口架,美中不足係凍湯唔可以蘸包卡邦尼煙肉意粉: 個sauce好好味,一d都唔會濟,而且同煙肉既味道
係人都知我懶架啦,去上環食Foodcourt? 唔好玩啦~
點知今次係我老細Julie極度誠意推薦,佢話班廚係中環M at the Fringe 出黎開呢檔野既,一上open rice睇,雖然開業無耐,不過評價唔錯+無負評,終於去試下~
由上環A2出口行過去,15分鐘唔使
我地個位好搞笑,o係渠蓋之上,逃生門之前。
呢度d野幾好食都好,都係一個foodcourt,想浪漫就唔好黎,唔鐘意等/趕時間都唔好黎喇~
不過上等野食配foodcourt環境,都幾迷幻feel~
我地叫既係一個平既2人set(好想食貴果個不過預左食唔晒,費事o徙錢),雖然好似個個set d野飲都唔同,不過其實係任揀既,我地要左個橙汁+一杯Sparkling
自家制香草包: 一個好憎食包既人咬左啖之後話肯日日都食呢個包,我諗好唔好食唔使再問啦
今日既soup of the day 係凍蕃茄湯: 雖然我飲凍湯機會唔多,不過呢個湯真係好好飲,比平時街外飲既好好多倍! 仲要飲完香味係會番o係個口架,美中不足係凍湯唔可以蘸包
卡邦尼煙肉意粉: 個sauce好好味,一d都唔會濟,而且同煙肉既味道好match!
蕃茄雞扒意粉: 呢個比卡邦尼差左少少,雖然都好食,不過由於過份抑制蕃茄既酸味/根本蕃茄唔夠靚,有少少難以形容既味道。
壓軸上場既係呢度既招牌菜烤乳豬(Roast suckling pig): 我地個set就係呢個同羊架2揀一既,最後揀左呢個招牌菜! 首先唔使用酒樓果d同佢比喇;其次,烤豬係肥不過唔會好油,食落有肉味,不過最後出當然有原因啦,因為食左佢你好難食得落其他野~ (點唔油都係烤豬)
不過食過之後,尤其係好食肉既人,一定會愛上呢舊烤豬!
因為一個理念,就係黎到呢d地方一定要食甜品,所以我地幾乎full都叫左一客甜品。
呢客係拖肥布丁! 聽到個名漏呀呢~見到個樣仲漏! 我地叫果陣完全無諗過係舊咁既野,我開頭都以為要自己食晒佢架喇,點知第一啖就咁放舊布丁(?其實唔清楚佢咩黎,總之係實身既,唔係平時既布丁)一放入口,已經好欣賞佢既味道,食落完全同外表唔同,一d都唔漏! 之後再將熱辣辣既布丁絆冰凍既雲呢拿雪糕,完全係一種極級既享受! OH MY GOD! 即時家燕姐食神入面果樣都出埋黎! 最後居然要兩個人平分! 成餐飯最好食既野,竟然係最後黎既甜品!!! 亦係呢個甜品,令我地堅決一定會再黎!
講左咁耐,到底幾錢?
2個人,加埋個甜品,唔使加一,比埋tips都係HK$280~ 我講抵唔抵食就唔夠中肯,不過咩好野都食過既同行朋友就話呢間野既質素搬入一個正經既舖位可以收到500蚊,如果搞埋dim燈呢d懶high class既野可以成千蚊!(M at the Fringe真係咁上下價架)
絕對抵食! 大家得閒無事做,絕對值得行去一試,扮下港島人過番一刻迷幻既高尚生活,不過要記住: 1)最好打去book位, 2) 一定要食甜品呀!
張貼
