影片
更多
2023-03-08
117 瀏覽
觀塘有好多隱世而又好食嘅店舖喺工廠大廈入面，今次就特登同朋友嚟咗呢一間酸菜魚同埋口水雞專門店食晚餐，店面同埋店內環境睇落都簡約得來好乾淨同埋舒服，所以就決定入去試吓🤤 而果然食咗所有菜式都完全冇令我失望❣️ 秋意特色酸菜魚🐟美味指數：👅👅👅👅👅 (5/5)配料：魚肉、豆卜、薯粉、芽菜、木耳、酸菜等等呢個招牌嘅酸菜魚一上枱面就聞到好香，而且見到擺盤好靚，分量十足，好多配料非常豐富，點食都唔會悶，而且真係好飽肚🤩 入面嘅薯粉煙煙韌韌，再加埋爽脆嘅芽菜同埋爽口嘅魚肉，一啖咁食，口感好有層次好豐富❣️而呢個酸菜魚嘅湯底再撈飯，再加埋新鮮嘅魚肉咁樣一啖過又得，真係超邪惡😈 鍾意食辣嘅朋友一定要嗌，同埋一定要去呢一間試吓👍🏻 大推介‼️招牌去骨口水雞🐔美味指數：👅👅👅👅 (4/5)雞肉每一啖每一舊都無骨，啖啖肉得來都好滑，再加埋雞皮咁樣食真係超香，完全令到成個口水雞昇華🤩 再加上口水雞嘅醬汁唔係淨係普通嘅辣椒油，而係再加埋花生同埋芝麻，超香濃，辣得來勁開胃😍百香果柑桔🍊美味指數：👅👅👅👅👅 (5/5)呢個嘢飲你包裝超得意😂 唔係普通一杯杯而係有個袋裝住，本身以為會好容易跌但係原來唔係，好趣緻。百香果味好
秋意特色酸菜魚🐟
美味指數：👅👅👅👅👅 (5/5)
配料：魚肉、豆卜、薯粉、芽菜、木耳、酸菜等等
呢個招牌嘅酸菜魚一上枱面就聞到好香，而且見到擺盤好靚，分量十足，好多配料非常豐富，點食都唔會悶，而且真係好飽肚🤩 入面嘅薯粉煙煙韌韌，再加埋爽脆嘅芽菜同埋爽口嘅魚肉，一啖咁食，口感好有層次好豐富❣️而呢個酸菜魚嘅湯底再撈飯，再加埋新鮮嘅魚肉咁樣一啖過又得，真係超邪惡😈 鍾意食辣嘅朋友一定要嗌，同埋一定要去呢一間試吓👍🏻 大推介‼️
招牌去骨口水雞🐔
美味指數：👅👅👅👅 (4/5)
雞肉每一啖每一舊都無骨，啖啖肉得來都好滑，再加埋雞皮咁樣食真係超香，完全令到成個口水雞昇華🤩 再加上口水雞嘅醬汁唔係淨係普通嘅辣椒油，而係再加埋花生同埋芝麻，超香濃，辣得來勁開胃😍
百香果柑桔🍊
美味指數：👅👅👅👅👅 (5/5)
呢個嘢飲你包裝超得意😂 唔係普通一杯杯而係有個袋裝住，本身以為會好容易跌但係原來唔係，好趣緻。
百香果味好濃，而且有好多百香果粒粒，每次一咬，百香果嘅香味擁晒出嚟同埋好有咬口，都好適合解辣🌶️
白桃烏龍茶🍑
美味指數：👅👅👅👅 (4/5)
呢個烏龍茶唔會太甜，再加埋白桃嘅香味，好適合食完咁多嘢之後解膩👍🏻
/
📍 秋意 (觀塘)
觀塘成業街19-21號成業工業大廈6樓29室
張貼
