影片
更多
2024-06-02
293 瀏覽
又嚟Milu Thai嘞，今次嚟尖沙咀分店，感覺呢邊好似更多卡位，坐得好闊落！我見出面有露天位置，但天氣實在太熱，所以都係選擇坐喺室內邊嘆冷氣邊食好西😁生蝦刺身 ⭐️⭐️⭐️⭐️⭐️食泰菜當然要先來一碟生蝦，呢個喺唔需要考慮嘅🤭 生蝦新鮮爽口，我會配埋紅辣椒同埋生蒜片一齊食，呢度有苦瓜做伴碟，我本身怕苦，但試咗少少苦瓜又ok喎！柚子鮮蝦沙律 ⭐️⭐️⭐️⭐️⭐️柚子沙律要做得好食其實唔容易呀，尤其個沙律汁，要做到清爽、唔可以太甜～ 今次沙律做到晒我嘅要求，柚子多汁酸甜，配搭爽脆嘅鮮蝦，食完立即開胃，心情好好😁泰式春卷 ⭐️⭐️⭐️⭐️⭐️春卷係我其中一樣好鍾意食嘅野，泰式春卷更加係至愛❣️ 春卷炸得勁香脆，入面配搭大量蔬菜絲同粉絲，當然沾埋泰式雞醬梗係無得輸啦👍🏻大頭蝦冬蔭功湯 ⭐️⭐️⭐️⭐️叫咗個細份，但係唔止份量足，連辣度都好足呀😍 一般香港嘅冬蔭功都會遷就返個口味，唔會整得太辣，所以好多時都淨係飲到酸味！但呢度嘅冬蔭功，辣度十分狠勁，完全還原泰國風味，食得辣嘅一定覺得好過癮！火山排骨 ⭐️⭐️⭐️⭐️⭐️終於嚟到今次成餐飯嘅主角啦😋 我唔係第一次喺度食火山排骨，但係每次見到咁巨型都覺得好震撼！大大舊排骨淋滿泰式青辣椒醬，醬入面
生蝦刺身 ⭐️⭐️⭐️⭐️⭐️
食泰菜當然要先來一碟生蝦，呢個喺唔需要考慮嘅🤭 生蝦新鮮爽口，我會配埋紅辣椒同埋生蒜片一齊食，呢度有苦瓜做伴碟，我本身怕苦，但試咗少少苦瓜又ok喎！
柚子鮮蝦沙律 ⭐️⭐️⭐️⭐️⭐️
柚子沙律要做得好食其實唔容易呀，尤其個沙律汁，要做到清爽、唔可以太甜～ 今次沙律做到晒我嘅要求，柚子多汁酸甜，配搭爽脆嘅鮮蝦，食完立即開胃，心情好好😁
泰式春卷 ⭐️⭐️⭐️⭐️⭐️
春卷係我其中一樣好鍾意食嘅野，泰式春卷更加係至愛❣️ 春卷炸得勁香脆，入面配搭大量蔬菜絲同粉絲，當然沾埋泰式雞醬梗係無得輸啦👍🏻
大頭蝦冬蔭功湯 ⭐️⭐️⭐️⭐️
叫咗個細份，但係唔止份量足，連辣度都好足呀😍 一般香港嘅冬蔭功都會遷就返個口味，唔會整得太辣，所以好多時都淨係飲到酸味！但呢度嘅冬蔭功，辣度十分狠勁，完全還原泰國風味，食得辣嘅一定覺得好過癮！
火山排骨 ⭐️⭐️⭐️⭐️⭐️
終於嚟到今次成餐飯嘅主角啦😋 我唔係第一次喺度食火山排骨，但係每次見到咁巨型都覺得好震撼！大大舊排骨淋滿泰式青辣椒醬，醬入面有大量搗碎蒜頭和青辣椒，加上我最愛嘅芫荽，濃烈嘅味道又辣又惹味，真係不得不佩服呢款靈魂醬汁，有一種令人食唔停、過一排又會心掛掛嘅魔力❣️
泰式青咖喱燒羊架 ⭐️⭐️⭐️⭐️⭐️
燒羊架燒得剛剛好，保留住肉汁，加上羊架本身已經調好味，就算無沾青咖喱都已經好惹味🐑 沾咗青咖喱又係另一種食法，令羊架多咗一陣濃厚嘅椰奶味！對比今餐其他菜式，青咖喱嘅辣度只係BB級，對於冇咁食得辣嘅，我強烈推介✨
芒果糯米飯 ⭐️⭐️⭐️⭐️⭐️
食泰菜點少得用芒果糯米飯做結尾，就算食飽咗都一定要食🤣 呢度足足有一個芒果，芒果酸甜味剛剛好，配上淋滿椰漿、暖粒粒嘅糯米飯，為呢餐飯提供一個完美嘅序幕🥰
生蝦刺身
3 瀏覽
0 讚好
0 留言
柚子鮮蝦沙律
2 瀏覽
0 讚好
0 留言
泰式春卷
1 瀏覽
0 讚好
0 留言
大頭蝦冬蔭功湯
0 瀏覽
0 讚好
0 留言
火山排骨
4 瀏覽
0 讚好
0 留言
泰式青咖喱燒羊架
5 瀏覽
0 讚好
0 留言
芒果糯米飯
0 瀏覽
0 讚好
0 留言
火山排骨
1 瀏覽
0 讚好
0 留言
張貼
