京都勝牛 (MONTEREY Place) (已結業)

之前禁堂食禁左好耐，味蕾都唔記得左出面野食係咩味😅放寬有返晚市堂食後，第一餐就揀左黎呢間餐廳😄唔知係地理位置既問題定係當時岩岩放寬左，餐廳食客人數可以用一隻手數得完😅一向都鍾意食吉列炸蠔，佢又真係整得好好。本身隻蠔好大隻之外，佢落既炸漿真係不多也不少，咬左一啖之後，係咁出煙、隻蠔好好面，入面都仲好juicy添😋另外都叫左個吉列牛，本身碗左4款醬俾你點牛食。而麵豉湯、白飯同沙律菜係可以任refill,吉列牛麵好好味，好嫩仲有汁而呢個滑蛋吉列豬扒飯，同樣咁好味，真係外脆內嫩，蛋又整得好夠滑👍🏻