影片
更多
2011-03-26
8 瀏覽
噚晚放工巳經成九點幾，同成班同事走去蘭桂芳揾嘢食，有同事建議去秀拉面，Yeah ! 忙到差Ｄ唔記得咗，good suggestion !!!!!!! 小妹一早係東京做嘢嗰陣時巳經有幫襯佢地東京同福岡店啦。九州三大拉面之一都嚟香港開分店，實在係香港人嘅福氣。到咗之後，以為會有好多人要排隊啦，隊係有，但係等咗5分鐘就有位啦。內部裝修同東京店差唔多，西式同日式簡約設計，唔係每個人都會喜歡，但我就好like啦。坐底後四圍望，感覺到一份凝聚力，始終係年青人嘛，各員工都好努力。講到服務，就不過不失啦，仍然有好多嘢需要改進，但係見到咁多後生仔咁努力，又有誠意，只好係度講一句，加油，我支持你哋！經那位服務員仔細介紹後，我當然係點咗碗元祖拉面啦，要食嘅梗係original啦。面嚟到之後，第一時間覺得同日本真係有D唔同，就係唔係好夠油，日本嗰碗好多油。講到九州豬骨湯底，包括三大重要元素，1, 油要多因為要用肥豬肉令到D湯更香更滑。2, 湯底要夠厚，3, 味道要夠濃。以上全部都算唔錯，個人覺得只係唔夠油，而味道仲可以濃多少少，咁就perfect。豬腩肉襯上個湯底簡直正呀。反而有D同事試完普通白秀拉面同我講比
到咗之後，以為會有好多人要排隊啦，隊係有，但係等咗5分鐘就有位啦。內部裝修同東京店差唔多，西式同日式簡約設計，唔係每個人都會喜歡，但我就好like啦。坐底後四圍望，感覺到一份凝聚力，始終係年青人嘛，各員工都好努力。講到服務，就不過不失啦，仍然有好多嘢需要改進，但係見到咁多後生仔咁努力，又有誠意，只好係度講一句，加油，我支持你哋！
經那位服務員仔細介紹後，我當然係點咗碗元祖拉面啦，要食嘅梗係original啦。面嚟到之後，第一時間覺得同日本真係有D唔同，就係唔係好夠油，日本嗰碗好多油。講到九州豬骨湯底，包括三大重要元素，1, 油要多因為要用肥豬肉令到D湯更香更滑。2, 湯底要夠厚，3, 味道要夠濃。以上全部都算唔錯，個人覺得只係唔夠油，而味道仲可以濃多少少，咁就perfect。豬腩肉襯上個湯底簡直正呀。
反而有D同事試完普通白秀拉面同我講比較油，我就覺得麻麻哋啦，我同佢講呢D先至係正宗，唔識就唔好亂嗡，油就以後唔好嚟食。不過我都明白嘅，香港人始終接受唔到太油嘅湯底，甚至 “豚X” 嘅湯底都係調過，唔夠油，我本人就唔係好喜歡啦，更加唔好講 “達X” 啦，跟本就係 “味千” 高級版啫，完全無誠意。
好開心香港終於有一間真正嘅九州豬骨湯底嘅拉面店，但係以個人嚟講，仲有好多嘢需要改進嘅，不過我會全力支持你地，希望做到真係一間全香港最正宗嘅九州豬骨拉面店，加油！
張貼