餃掂手工餃子雲吞專門店

今日喺銅鑼灣活動，又唔想食飯，所以就去咗食餃掂。喺香港食餃子來講，餃掂算係數一數二出名好食嘅。佢嘅松茸餃做得十分出色，令到我同男朋友時不時都會想去食野生松茸素餃 - 餃子皮晶瑩通透，而且餃皮唔會好厚，餡料脹滿好似就嚟破皮而出，視覺一流。松茸屬於菌類，有淡淡嘅菌類嘅清香味道，餃子皮薄餡多，清新得黎又好有滿足嘅感覺。龍鳳松茸雙灼餃跟狀元湯 - 呢個係黑松露同白松露嘅雙餃，黑松露味道相對濃郁啲，白松露就比較清香，而佢嘅狀元湯亦都有濃濃嘅菌味，三者配合得天衣無縫。韭菜元貝雙拼煎餃 - 煎餃有佢吸引嘅地方，整得好嘅煎餃皮脆有肉汁，係鍾意食香口野嘅人嘅不二之選。味道濃郁嘅韭菜餃，可以話係煎餃嘅表表者。而元貝煎餃亦鮮甜美味，令人回味。野味酸辣雲耳 - 雲耳配合酸醋同辣嘅味道開胃得黎又有益，我哋都好鍾意點呢個做前菜。我哋兩口子都好鍾意食餃子，餃掂係我哋其中其中一間好鍾意嘅餃子店，銅鑼灣呢間鋪味道都不錯，我哋之後都一定會再嚟幫襯。