松記糖水店 (已搬遷) 新店位置

同好友食家"乜都放入窿"食完個定食後, 當然唔少得要食番個甜品啦, 於是就近近地決定黎呢間食店, 皆因呢度出晒名係好食爽抵食!入到去唔算太多人, 一坐底師傅睇左一陣就決定要番幻彩明珠, 至於好友食家"乜都放入窿"柯打左咩, 師傅真係唔記得左喇! 等緊期間, 只見不斷有食客入黎, 可想言之呢度幾好生意, 幾出名先得架! 幻彩明珠轉眼就到, 賣相真係好吸引, 紅紅黃黃, 生果有西瓜, 杧果等, 好大碟, 加上生果都幾鮮甜, 杧果汁底帶少少酸, 好味, 師傅特別欣賞佢d大西米, 煙煙韌韌, 勁有咬口, 超正, 又涼粉亦算唔算, 軟硬適中, 口感一流, 成個甜品可以講得上一絕! 總括黎講甜品質素上佳, 加上價錢唔貴, 十五蚊一份, 大大份, 所以絕對抵食; 而好友食家"乜都放入窿"嘅甜品都應該唔差, 難得食左一餐咁出色嘅晚飯, 再加埋咁出色嘅甜品, 直頭係絕配呀!